Mbuat Tengagho

mbuat tengagho selamo bulan puaso nih, dang tejo ndak beghadu kudai unjo kelepir ngitari denio. kemaghi, ble betatur mbuat tengagho (gheban), alias kandang ayam, ditulungi bedul. “ayam kito nih lah banyak nian, melibaran, nido muat lagi sebuah tengagho,” kato dang tejo ngiciak dengan anak lanang semato wayang nyo mpai bangun tiduak. kareno lah banyak igo, ayam kampung ngan ayam bangkok tuh banyak lengit. ado nyo dimakan biawak, dimakan mesang, ado jugo dimaling jemo alias musang palak itam. rencano bedul, selamo puaso nih, ayam dijual galo. kemaghi, gambar ayam dalam gheban alias tengagho nyo mpai dibuat tuh ble posting di medsos. “sapo ndak ayam kampung, datanglah ke teluk sepang. cuman batak tanci, nido pacak ndak ngenjuak bae secaro gratis,” luak itulah komentar bedul. mulai kemaghi, lah banyak nian kundang kantin nyo datang mbeli ayam batan gulai besaur. “cacam, magas amun luak ini. lemak pulo jadi juragan ayam,” kato bedul. semakin terkenal bae anak lanang dang tejo nih. selain peternak ayam, ble jugo pemasok sayur mayu di rumah makan jenifer lufiz. bedul ngan dang tejo lah bosan makan gulai ayam. ble ngajung mak mbeli umbut digulai undak ikan seluang. (sop)

Tag

• # dang tajo

Share

• 
• 
• 
• 
•