Kampung Durian

Akap kemaghi Dang Tejo Sorono besesiul keciak. Hati lanang tu nampakau sedang berbunga bunga. Bukan kareno meribangkah jando atau pelakor, tapi rencano Dang Tejo ngajak Ncekwo Sofiyah jalan jalan ke Kampung Durian taun baru ni bakal tecapai.

Selamo ni Dang Tejo kebingungan nido ado belanjo, kini belanjo lah ado asil njualkah buah kepayang ngan buah pinang di kebun Ulu Alas.

Sebatas ongkos ngan belanjo selamo libur taun baru ni cukuplah. Masiah ado pulo gunjil tak pembeli baju baru batan Ncekwo Sofiyah.

Rencano berlibur ke Kampung Durian tu belum disampaikah Dang Tejo dengan Ncekwo Sofiyah. Sengajo Bapak Bedul ndak mbuat kejutan.

Rencano Dang Tejo ngan Ncekwo Sofiyah bakal nginap di Kampung Durian. Malam taun baru ughang duo tu bakal nggelar acara bakar bakar di kampung Durian. 

“Supayo nido ado nyo ganggu, he-pe kah mulai aku matikah sejak petang minggu,” kato Dang Tejo dalam ati.

Lah udim nyusun rencano, Dang Tejo nyampaikah hajatngan Ncekwo Sofiyah. Ndengagh kah diajak temalam ke Kampung Durian Ncekwo Sofiyah nido ndak.

“Nido masuak Dang, tahun baru ni jemo jejalan, maso kito kah temalam ke kampung durian,” kato Ncekwo Sofiyah.

Dang Tejo jelaskah baso kampung durian nyo ble kiciakkah tu bukan kampung durian di bukit ulu ayiak, tapi tempat wisata baru di Bengkulu nyo benamo kampung durian.

“Lasung amu luak itu Dang, tapi kito singgah kudai ke BIM aku ndak beli baju baru, sekalian jeket supayo nido kedinginan waktu kito di Kampung Durian,” kato Ncekwo Sofiyah. (nad)