Meletugh Tangan

Tangan Dang Tejo meletugh gara-gara neman igo nekang niugh. Kemaghi, ble ngan kundang kantin ngeresayo nekang niugh di ghumah big boss Pak Rugat. Jatah Dang Tejo nido kurang seratus buah, nekang pakai pisau. Ado pulo nyo nekang niugh pakai temilang dicancangkah di tanah, caro kerjo nyo luak ini lebiah gancang.

“Aku nido pacak nekang pakai temilang, kalu tebambab,” kato Dang Tejo. Bak Bedul nih memang jak di budak keciak lah biaso nekang niugh pakai pisau besak.

Pak Rugat dang ado gawe besak. Kebun niugh ble lah  lamo nido dipanen. Nah hasil panen tuh dibuat kopra, langsung dikighim ke Jakarta pakai truk fuso.

“Cacam,  tambah kayo bae boss kito nih,” kato Beghuang Alas ngiciakkah pak Rugat.

Kareno bekawan dengan jemo kayo tegalau, ughang kambangan tuh dapat pegheci’an tanci. Udim diajung nebang pinang, kemaghi lah dapat proyek pulo nekang niugh seramian (massal). Tenaga kerjo seratus persen anggota Jaringan Delapan Penjuru Mato Angin. Ado Ulagh Belang, Pak Geruak, Oom Ngemburak, Pakcik Gerutak, Rajo Begabus,  Kancil Belukagh, betunggal galo. Tentu bae nido ketinggalan Dang Tejo ngan Beghuang Alas. Mpuak  kerjo lepas, amun dapat proyek Pak Rugat lemak nian ughang kambangan tuh. Dapat tanci, rukuak batan ngudut dibelikah, makan minum ditanggung..

Cuman Dang Tejo dapat nian penanggungan rimbak ini. Badan litak, tangan ble meletugh. Kesian Bedul nginak bapak nih maju bekerjo. Sabar bae Dul, Bak kaba tuh bekerjo kareno hobi, bukan nido betanci. (sop)