Tesadai

Akap kemaghi Dang Tejo Sorono tesadai duduak ngunjugh di teras depan ghuma.

Sambil nunggui ayiak kupi semangkuak betelingo ngan rukuak filter nyo bungkuso selibagh telapak.

Ruponyo Dang Tejo tu kekenyangan udim melantakkah gulai belulang undak teghung ulan jeghing mudo.

Belulang tu dienju’i tutughan pemamakan nyo mpai udim mbimbangkah anak aghi minggu mpai ni.

Memang Dang Tejo dapat bagian belulang agak banyak, jatah anak belai. Kareno lanang tu memang sibuk nian bekerjo waktu kagua’an ghuma sanak tu.

“Jangan rajin luak ini, ngadokah ngulang mudo lagi peghawaan,” kato Dang tejo dalam ati sambil ngighup ayiak kupi.

Dang Tejo mpai beghangkat jak kursi panjang tu kareno di panggil Ncekwo Sopiyah, ngajal ngaruakah kebun para di ulu ayiak.

“ Uji ndak ke kebun saghini Dang, besiaplah,” kato Ncekwo Sofiyah.

Sambil ngiluaki bundalan kain, Dang tejo Beghangkat. Lanang tu langsung ke kamar mandi.

Udim mandi nido lupo ble kiciakkah ngan ncekwo jangan lupo mbatak gulai belulang tadi ke kebun. 

“Batak nasi ngan guulai belulang tadi batan pesangon tengaghi ni. Kalau ulam nengkelah ndiak mbatak, kelo kito nyemang laang bae,” kato Dang tejo. (nad)