Nggulai Kembaang

Pepatah jemau baghi, amun bukan kerjau awak jangan dikerjaukah, masiah berlaku sampai mbak kini. Kemaghi, adau ceritau Dang Tejo dengan kundang kantin nggulai kembaang. Jak di Kota Bengkulu, ble nemuni Ulagh Belang dengan Beghuang Alas, berayak ke ghumah Niduk Manan di Kota Manna. Sampai di  badah tujuan, ughang kambangan  berembuk nggulai kembaang. 

“Daripadau mendam sajau lemaklah kitau icak-icak rubrabuk,” katau Niduk Manan.

Kebetulan di peruangan belakang ghumah Niduk Manan pugan kembaang. Sekalian ngambiak taghuak paku (pakis) batan undak  (campur).

Dang Tejo kebagian ngukugh niugh ngan ningguak api. Beghuang Alas ngan Ulagh Belang meghampai kembagaang ngan taghuak paku.

Kalu urusan racikan bumbu, ndiak salah lagi. Mangku ndiak gatal, dinjuak asam sunti banyak-banyak, dimasak nggut tepadagh, kuah hampir keghing. Antanan ughang, nasi angat pakai ulam jeghing lah cengkih lemak nian. Nasi lah masak, lanang beempat tuh (Dang Tejo, Beghuang Alas, Ulagh Belang, Niduk Manan) nating  piring sesughangan, berunju beisi nasi masiah beghasap.

Apaulah lemak nian gulai kembaang undak taghuak paku masa’an lanang  beempat tuh? Heee, manau pulau? Manau  pait manau gatal tegalau, ndiak temakan dengan jemau.

“Cacam-cacam, ngapau lidah aku  gatal tegalau,” katau Beghuang Alas.

Dang Tejo lah tegauk pulau.”Asau  tuapau tini, gatal undak pait,”  katau ble.

Jangankah jemau, kucing sajau dinjuak lagi nggiling, nggup makan.

Jemau ghumah Niduk Manan mpai baliak jak kebun langsung bekanjar.

“Agikah cak pacak. Itula amun bukan kerjau awak jangan dikerjaukah,” katau  kenan.

Alakah nanggung kitau, katau Niduk Manan. Lah kegatalan makan gulai kembaang, dikanjari Niak Inau pulau.(sop)