CERITAU kali ini, Bedul lah sampai nian ke badah tujuan, ghumah kundang ble di Desa Tanjung Aur Kecamatan Pino Raya. Gaek kawan ble tuh, dang pegi temalam ke ghumah sanak di luagh dusun, adau acara kaguan nikahkah anak. Ughang duau sekundang tuh sajau nunggu ghumah. Agak bebeda dengan Bedul ngingilan, amun dighumah cuman pacak makan. Kawan ble tuh pacak tegalau beghangan. Petang kemaghi, lanang beduau tuh bekesiak nggulai lumai. Adau duau versi masakan. Pertamau, taghuak lumai digulai manis (pakai santan ndiak becabiah, ndiak pulau pakai gulau). Keduau, buah lumai digulai lacap-lacap undak panggangan seluang, pakai cabiah. Lah cengkih lemak tegalau gulai tuh mpuak katau dimasak anak bujang.
“Dul kaba bagian ngukugh niugh, pakai kukuguhan manual,” katau kawan tuh ngajungkah Bedul. Kukughan manual, adalah kukughan baghi, ndiak pakai mesin.
Dasar nian ndiak biasau, ngukugh niugh duau tekang sajau, ampir se-jam.
“Nduak, nduak, meletugh tangan aku nih,” katau Bedul. Awak tangan anak lanang Dang Teju tuh alus nian, luak telapak tangan anak gadis, anak jemau kayau. Lah udim nanak nggulai, lanang beduau tuh lomba makan. Beghas tigau canting kuncun sekaligus. (sop)