BALIAK jak ghuma sanak pesta, Dang Tejo Sorono gering. Badan lanang tu panas, enecgubas peluah dingin, gelegasan peci udim.
Saking madak eghasian, seaghi kemaghi Dang Tejo nido bangun jak bada tiduak. Beselimut ghungung sambil nggelugut. Jangankah ngudut, bangun makan bae gi nido. Gulai belulang undak teghung capur petai tuo serilo Dang Tejo nian padahal, tapi sesaghi kemaghi nido bekucak. “Lah madak nian peghasian Bapak Bedul ni, kalo gi memando jugo, matuah lebar gulai belulang undak teghung ni,” kato Ncekwo Sofiyah. Petang tu Ncekwo Sofiyah ngajungkah anak bujang Bedul Mustafa Satria Raja Mandala nyo kebetulan sedang belanju ke dusun, mbata’i Dang Tejo Beghubat ke dokter. “Bata’i kudai beghubat bapak kaba ni beghubat Dul, kiciakkah ngan dokter tu suntuk mangku cepat ghadu,” kato Ncekwo Sofiyah. Ndengagh diajung besuntik, Dang Tejo Sorono nyo seumur umur lum pernah dicucuak jaghum suntik tu mulai meringis. “Cacam alangkah mengut titu kelao. Tapi marolah nyo penting ghadu, pacak melantakkah gulai belulang undak teghung tadi,” kato Dang Tejo masiah teghingat ngan makan. (nad)
Kategori :