Baliak jak ghuma sanak kaguaan di Manna, DangTejo Sorono Gelegasan. Badan lanang tu panas, enecgubas peluah dingin.
Saking madak eghasian, Dang Tejo nido bangun jak bada tiduak. Beselimut ghungung sambil nggelugut.
Saking madak peghasian lanang tu, Dang Tejo ndio kungang bangun makan, padahal gulai tegalo kelemak.
Tapao bantai undak teghung masak, dipeci kuah lelacap. Ado pulo jeghing mudo.
“Lah madak nian peghasian Bapak Bedul ni, kalo gi memando jugo, matuah lebar nasi gulai ni,” kato Ncekwo Sofiyah.
Petang tu Ncekwo Sofiyah ngajungkah anak bujang Bedul Mustafa Satria Raja Mandala mbata’i Dang Tejo Beghubat ke dokter.
“Bata’i kudai beghubat bapak kaba ni Dul, kiciakkah ngan dokter tu suntuk mangku cepat ghadu,” kato Ncekwo Sofiyah.
Ndengagh diajung besuntik, Dang Tejo Sorono nyo seumur umur lum pernah dicucuak jaghum suntik tu mulai meringis.
“Cacam alangkah mengut titu kelao. Tapi marolah nyo penting ghadu, pacak melantakkah gulai tapo bantai undak teghung tadi,” kato Dang Tejo masiah teghingat ngan makan. (nad)