Tanci Proyek

Bukan niru berita tivi nasional nyo lagi panas dengan pegheci’an tanci proyek. Kemaghi, jaringan Delapan Penjuru Mato Angin ganau. Gara-gara Pak Geruak nganar, ble nido senang dituduh dapat cipratan tanci proyek jak pemborong kawan Beghuang Alas. Nido keruan nian purik dengan sapo. Cuman ble lah naiak spaning nian sampai ngajak jemo ribut secaro langsung.

“Amun melawan temui aku secaro langsung, jangan nuduah melalui medsos,” kato ble.

Bilang ughang lah ble tanyo, mulai Beghuang Alas, Ulagh Belang, Oom Gerutak, Rajo Begabus, Kancil Belukagh, Elang Sikap, Ciput Muaro. Nido ado nyo ngakuak, sapo nyo pertamo hali nyebarkah kabar burung Pak Geruak dapat pegheci’an tanci proyek tuh.

Nginak situasi makin pans, Pak Rugat  sesepuh Delapan Penjuru Mato Angin merintahkah Dang Tejo melakukan klarifikasi sekaligus mediasi ngan antisipasi.

“Kaba jemo netral penyabar, keruani kudai apo masalah sbenagho,” kato Pak Rugat.

Setelah ditelusughi Dang Tejo, memang benagh ado Pak Rugat nyo dapat pembagian tanci proyek. Cuman Pak Geruak nyo dimaksud, jemo lain, bukan anggota Jaringan Delapan Penjuru Mato Angin. Lanang itu pengusaha pemasok material ke proyek-proyek. Jadi memang hak dio dapat pembayaran sesuai dengan kontrak harga material. Kalupun ndak diaudit, memang nido ado temuan kesalahan.

“Ini kesalahpahaman gara-gara bercanda keterlaluan,”kato Dang Tejo melapor dengan Pak Rugat. Setelah keruan permasalahan, Pak Rugat Delapan Penjuru Mato Angin minta  maaf kareno  lah terlanjur nganar ngajak ribut, lah ngajak pekaro pulo.

“Sepado-pado. Jangan sampai ribut, kalu masuak tivi pulo luak jemo Jakarta nyo maju ganau gara-gara peghecian tanci proyek. Malu kito,” pesan Pak Rugat, singkat. (sop)