Salah Tanggam

Sesuai Janji, aghi Sabtu lalu Bedul Mustafa Satria Raja Mandala lasung nian mbatai anak gadis jemo baliak. Budak gadis tu ringkiah tegalu. Besak tinggi putiah, gumbak panjang. Suaro lembut prilaku sopan. Persis nian luak Ncekwo Sofiyah masiah perjako dulu.

Tapi Dang Tejo ngan Ncekwo Sofiyah cemas cemas, kareno menurut penerawangan Dang Tejo, budak perjako santingan Bedul tu bukan anak jemo sembarangan. Paling nido anak juragan sawit.

Tumit budak tu putiah luak telugh, ditambah lagi kulit telapak tangan alus nianan. Nampak nian budak tu tebasi di ruangan be a-s-e.“Salah tanggam Bedul ni ndalak calon pasangan. Aku lah ngeri pulo kalau dapat dio luak ini. Kendak ku ndalaklah nyo sebandrol dengan kito,” kato Dang Tejo bebisiak ngan ncekwo sofiyah.

Puak dalam ati ado keraguan, tapi nido ditampakkah ngan Ncekwo Sofiyah. Kareno budak tu pacak nian ngambiak ati Ncekwo Sofiyah. Jujur pulo, budak tu nido maluan ngiciak nido pacak nggulai tempuyak.

“Biarlah saya cuci piring aja mak, saya gak bisa bikin sayur. Apalagi mau bikin gulai tempoyak, saya belum pernah soalnya,” kato Budak tu dengan suaro lemah lembut.

Sementaro Dang Tejo ngan Bedul ngobrol di teras depan. “Dul ndalak jodoh tu ukur bayang kito nak, jangan ndalak jodoh cungakan, takut nanti kaba makan ati,” kato Dang Tejo. (nad)