Makan Besak

Assalamualaikum Warahmatullah Wabarakatuh,

Masuak tahun 2024 nih ado peghubahan di kalangan aktivis Ngo, di Bengkulu bagian selatan alias Semaku. Dang Tejo, sebagai koordinator Ngo Provinsi Bengkulu, dalam  bebeghapo tahun ini nido keruan musoyo nian. Ble beghulu beghilighan, kekadang nimbul kekadang kelam.

Nah, mulai tahun ini, lanang nyo bemutur bughuak buatan Jepang tahun 1976 tuh kah netap niap di Kota Bengkulu. Sedangkan  pertemuan aktivis Ngo, dipusatkah di Tais. Masiah di bada lamo, warung Jefiner Lupiz SE, MM di Talang Saling.

Aghi Minggu penghujung tahun 2023, duo aghi udim, ughang kambangan tuh ngadokah pertemuan. Judul pertemuan,  RAPAT  EVALUASI sekaligus  REUNI. 

Hehe, adiak sanak lah keruan nian, kalu ughang itu lah betunggal, dipastikah pakai acara makan besak. Beghuang Alas nido ketinggalan. Ble ngutakkah gulai palak ghuan undak tepuyak, ulam petai sepapan besak. Empat kali nambuah, ditutup ngan aiak kupi segelas betangkai. Sesekali milin kumis, dedebis beghesin.

Ulagh Belang mesan ayam kampung guring, sup sapi ngan tumis taghuak kangkung. “Huy kaba, aku mintak jus buah nago, “ kato ble merintahkah pelayan warung.  Siput Muaro nurut bae, tuapo nyo  jemo pesan, ble mintak pulo.

Singkat cerito, ughang kambang tuh lah kekenyangan galo,  karena belinat sesughangan diisi  ndak cadak. Lah udim makan besak  di warung Jenifer Lupiz SE, MM datang pulo deghian sesetum kumpung.” Abiskah galo, ndak kamu nian,” kato supir nyo ngantatkah  deghian jak di Ulu Talo. Jak di mano tancio, sapo  njadi donatur atau bandar ughang kambangan makan besk tuh adak sanak nido perlu keruan. Tunggu bae lanjutan ceritoyo. Pagi luso kito  mbaco lagi. (sop)