Tempuyak Undak Ghuan
Dang Tejo--radarselatan.bacakoran.co
Akap kemaghi Dang Tejo Sorono makan lahap nian. Sesuai serilo, Ncekwo Sofiyah nggulai tempuyak undak ikan ghuan. Ado pulo ghebusan taghuak jibas ditambah petai mudo tak ulam.
Nasi sepeghiuak cembung lebar teku kekeghak. Ncekwo Sofiyah tepakso ngulang nanak batan jatah makan tengaghi.
“Maro bejago Dang, maso abis nasi sepeghiuak,” kato Ncekwo Sofyah. Dang Tejo nido bekomentar, lanang tu ngeloyor keluagh jak dapugh sambil ngiluaki ghatan kain.
Kebetulan kemaghi Dang Tejo Sorono nido ado agenda, jadi lanang tu santai santai be di ghuma sambil ngilunkah peghut kekenyangan.
Sesekali Bapak Bedul Mbadai di kekudo depan ghuma, sesekali lanang tu duduak nyandar lantaran sempit kareno kekenyangan.
Ayiak kupi lah duo gelas besak lebar. Rukuak cigaret lah abis sekamar.
Kelungkungan Dang tejo lah nagiah ndak makan lagi, tapi peghut lum siap.
“Puak lemak jangan rakus nian Dang, kelo melanting kancing baju. Ingat pepatah jemo tuo, lemak rantani dikit, madak bidikah dikit,” kato Ncekwo Sofiyah. (nad)
- Tag
- Share
-
-
