Salah Kighim

Akap kemaghi Dang Tejo Sorono ngan Ncekwo Sofiyah ampir ibur besak. Gegara Ncekwo Sofiyah nido sengajo mbukak pesan di Whats app di ha-pe Dang Tejo. Ruponyo pesan itu beghisi gambar rando bungo bebibigh abang, badan langsing, rambut bak manyang teurai. Belagak nian singgonyo. 

Gambar dikighim Ulagh Belang. Maksud ulagh Belang Tu bukan ndak ngighim ke ha-pe Dang Tejo. Lanang tu ndak ngighimi mandan ble nyo lah tigo taun merando tapi belum dapat lagi judu.

Ndak ngebarkah langsung lanang tu masiah temalam di ulu ayiak, jadi kighim kudai gambaro bae.

Udim ngighim gambar tu ado pulo tulisan. “Luak apo, kekiro jadilah luak ini batan pekakaan nyo kau idam idamkah tu,” tulis Ulagh Belang.

Mbaco tulisan tu, tambah dedebagh bae ati Ncekwo Sofiyah. Ampir nian pesan Beghuang Alas tu ble teruskah ngan Bedul. Tapi Ncekwo masiah ndak beselidik kudai, jangan sampai asal betindak.

“Tuapo maksud Ulagh Belang pesan nyo dikighim Ulagh Belang di ha-pe kamu tu,” kato Ncekwo Sofiyah.

Dang Tejo langsung ngecek ha-pe. Lanang tu langsung cecengiah beghayiak. “Alangkah masak rombongan ni pegerah,” kato Dang Tejo.

Kareno Ncekwo Sofiyah maju mangut, Dang Tejo cubo nelpon Ulagh Belang. Tapi ha-pe lanang tu lah nido aktif lagi. Maklumlah Ulagh Belang lah berangkat ke kebun kupi, di daerah itu memang masaiah blank spot alias ndiak besenyal.

Singkat cerito, sampai petang aghi Mcelwo Sofiyah terus mangut. Malam tu Ulagh Belang pai sadar baso pesan nyo ble kighim salah sasaran. Ble langsung nelpon Dang Tejo, kebetulan nyo ngangkat Ncekwo Sofiyah. 

“Maaf nian Ncekwo, aku tu salah kighim. Kalau Dang kami tu nido banyak kulaghan. Puak kiciaan dio dedantam tu, nido nianan banyak perembak Dang tu. Dio pernah ngiciak ngan aku Cuma Ncekwo tulah nyo ble cinta,” kato Ulagh Belang sambil langsung matikah ha-pe takut bahasan Ncekwo Sofiyah panjang. (nad)