Ngedah Tempuyak

Petang Kemaghi Dang Tejo Sorono bliak ke Kota Bengkulu. Lanang tu lah ampir semingu nunggu deghian di ghepangan Beghuang Alas.

Selain dapat tanci asil njual deghian, Dang Tejo jugo bnyak mbatak baliak tempuyak.

BACA JUGA:Kepedasan Lotek

Ado nyo lah masam, ado pulo nyo masiah manis. Tempuyak tu ble masuakkah dalam tuntung bulauah supayo awet disimpan.

Kesalahan Dang Tejo, lanang tu baliak nido mbatak deghian nyo belum ditekang. Padahal Bedul lah ngaghap nian Dang Tejo baliak mbatak degian masak.

Ubat aso asoan, tepakso tempuyak dalam tuntung tu Bedul kedahi. Tuntung pertamo tekecap tempuyak nyo lah masam. Tuntung keduo tejilat tempuyak deghian pangar.

Tuntung ketigo dapat jugo tempuyak nyo masiah manis. Mano isio kuning pulo, jelas deghian tembagoan.

Singkat kato, tempuyak setuntung panjang tu lebar dilantakkah bedul. Udim melantakkah tempuyak tu Bedul bedegak sendawao panjang.

Untuk menghilangkah barang bukti, tuntung tempuyak nyo lah lebar dimakan tu Bedul Capakkah ke dalam ruang belakang ghuma. “Mano sutiak tuntung tempuyak ni, cacam lah bemaghi,” kato Dang Tejo. 

Ndengagh Dang Tejo semamam di dapugh tu Bedul nyenyengigh luak cicak maling gulo. “Salah siapo nido mbatakkah deghian,” kato Bedul dalam ati. (nad)