Dang Tejo Sorono ngan anak Bujang Bedul Mustafa Satria Raja Mandala kemaghi bepapuk mbersiakah pawuak lamo di pinggir ruang belakang ghuma. Kareno sumur di ghuma Dang Tejo lah ampir keghing. Cukup bae batan jatah ayiak angat ngan nanak nggulai.
Tenyato waktu diperikso, pawuak lamo tu masiah besak ayiko. Tapi sumur tu seghut nian, penuah dengan kiambang. Bagian pinggir lah tetutup pulo dengan semak belukar.
“Kito tebasi kudai, udim tu kelo kito timbo, supayo ayiak bersiah nian,” kato Dang Tejo ngiciak ngan Bedul.
Senampur lah udim tebasan. Dang Tejo ngan Bedul mulai bepapuk nimbo pakai imbir lumbung.
Sekitar setengah jam, ayiak pawuak tu lah mulai susut. Bedul nyo lagi dapat giliran nimbo, tekelenjit langsung melanting ke daghat. Betis lanang tu ado nyo numburo.
“Besak nian titu tadi asonyo tu ado sebesak kalaian,” kato Bedul.
Bebeda dengan Bedul, Dang Tejo justru keriangan. Dalam ati Dang Tejo pasti ikan ghuan besak.
Lah nemu nian, pas ayiak keghing, duo ikuak ikan ghuan mbak kalaian dalam pawuak tu.
“Teleponlah mak kaba, ajung mbeli ghebung masam,” kato Dang Tejo.
Pawuak bersiah, ayiak besak jegheniah pulo. Baliak dapat bonus ikan ghuan besak duo ikuak. Mantap nian, sayang mbak ini rego beghas mahal. (nad)