Nginak aghi ngelemanan luak kah ujan akap kemaghi Dang Bejo Sorono bepingkas masang bubu. Bubu nyo selamo ni disimpan di lantai dapugh ble tughunkah. Langsung ble aghat ke peruangan di belakang ghuma.
Ujan ujan keciak Dang Tejo terus semusut masang bubu. Batang memanyo abang seghumpun besak abis ble tebang batan pakar bubu, supayo nido anyut waktu ayiak rawang. Dang alap bae, udim pasangan bubu aghi ujan deghas.
Sambil baliak Dang Tejo singah ngambiak pangkuak peghapak, batan persiapan undak pelus keno bubu. Limpas tengahi ujan pagahi, Dang Tejo kina’i ayiak peruangan di belakang ghuma tu rawang keciak. Tambah ngaghap bae Dang Tejo, lanang tu beaghap nian bubu tu ngeno pelus batan undak
Mantai petang, ayiak peruangan lah mulai nyusut, Dang Tejo belembaan ngaruakah bubu. Tigo buah bubu nyo dipasang Dang Tejo penuah dengan ketam. Adokah secapa lanang tu dapat ketam, tapi lemak pulo segalo ketam tu belulus galo. Jadi masiakah mantap dipayis undak belimbing besi.
Udim diambiak’i keno nyo, bubu ngulang dibenakkah lagi dengan Dang Tejo. Lanang tu masiah beaghap dapat pelus.
Sampai dighuma, ketam secapah tu langsung ble enjuakkah ngan Ncekwo Sofiyah.
“Bersiakalah Mak Bedul, aku ngambiak belimbing besi kudai. Jadilah petang ni kito manyis ketam belulus. Masiakah bedencing,” kato Dang tejo. (nad)