Tapai Bekayu

Petang kemaghi, Dang Tejo  sampai lagi di anjung kebun jagung di Teluk Sepang. Gaek Bedul nih mpai baliak jak berayak ke ghumah Niduk Manan di Kota Manna.

Bedul lah nginak, di gantungan mutur ado bungkusan besak.  Ble  lah  ndedak (menduga), pasti bungkusan tuh ado rerubo alias oleh-oleh jak Bengkulu Selatan.

Pas dibuka, lah nyela nian, bungkusan beisi tapai bekayu agak banyak jugo.

“Manis nian tapai bekayu, di mano Bak mbeli,” tanyo Bedul.

“Bukan mbeli Dul, aku betemu kawan lamo, dio ngenjuak tapai,” jawab Dang Tejo.

“Hee,hee. Kawan lamo apo kawan lamo,” kato Bedul ngucak gaek.

Maksud Bedul, jangan-jangan kawan lamo tuh mantan santingan masiah mudo dulu.

Dang Tejo jujur bae dengan anak lang sughang ngingilan tuh. Ble pernah dekat dengan jemo nyo ngenjuak tapai tuh, waktu masiah kuliah dulu.  Cuman teman tapi mesra tuh lasung jadi sarjana, mbak kini njadi pejabat. Sedangkah Dang Tejo nido lasung tamat.

Ble betemu di Pekan Kutau, kawan lamo tuh mbeli tapai banyak nian, separoh dinjuakkah dengan Dang Tejo.

“Cuman jangan diceritokah  dengan Mak kaba, kalu dio kelo nganar,” kato Dang Tejo.

Beres bae amun luak itu kato Bedul. Siang kemaghi, Mak Bedul mpai baliak jak ndatangi undangan resepsi pernikahan anak kawan di Pematang Gubernur. Tapai  oleh-olah jak di Kota Manna tuh, sebagian dibuat tapai goreng, sebagian dibuat campuran es campur oleh Bedul. Mak nido nanyo jak di mano dapat tapai. Aghi tengaghi kuning, Bedul besamo Mak dengan Bak menikmati es campur dan tapai goreng.(sop)